Երաշխավորված ձմեռային տուր փաթեթ` գիդի ուղեկցությամբ՝ հրաշքների երկիր Հայաստանում՝ անհատների և ընտանիքի համար (01.12.2023 – 04.12.2023), (22.02.2024 – 25.02.2024), (24.12.2024 – 27.12.2024)

1. Խմբով լինելու դեպքում տուր փաթեթը հնարավոր է կազմակերպել ցանկացած ամսաթվով։
2. Հնարավոր է նաև տուր փաթեթի կազմակերպումն այլ լեզուներով՝ համապատասխան գնային փոփոխություններով:
3. Եկեղեցիներ այցելելիս կանանց և տղամարդկանց խորհուրդ է տրվում չկրել բաց հագուստ։ Կանանց դեպքում ցանկալի է գլխաշորի առկայությունը:
4. Տուր փաթեթի ընթացքում ինչպես տրանսպորտային միջոցներում, այնպես էլ այցելած վայրերում թողնված/մոռացած կամ վնասված իրերի համար ընկերությունը պատասխանատվություն չի կրում:
5. Մեկ տեղանոց սենյակ ընտրելու դեպքում արժեքին ավելանում է 70 դոլլար՝ մեկ անձի հաշվով։

Տեւողությունը՝ 8 ժամ / Հեռավորությունը՝ 40 կմ

 Շրջայցը կսկսվի խորհրդանշական Հանրապետության հրապարակից, որին կհաջորդի  այցելություն Megerian Carpet գորգերի թանգարան, որտեղ հյուրերը կարող են ծանոթանալ հայկական գորգագործության պատմությանը. Շրջայցը կշարունակվի դեպի ԳՈՒՄ շուկա, որտեղ հյուրերը կարող են համտեսել հայկական չրերի բազմազանություն. Այնուհետև հյուրերը կայցելեն Աբովյան փողոց՝ Երևանի ամենահին և ամենաաշխույժ փողոցներից մեկը, որտեղ կհամտեսեն Երևանի ամենահայտնի պաղպաղակը։ Շրջայցի ընթացքում կլինի նաև կանգառ Հյուսիսային պողոտայում, որին կհաջորդի հայկական «պիցցայի» կամ լահմաջոյի համտես: Այնուհետև հյուրերը կայցելեն Կասկադ համալիր և կվայելեն Երևանի հիասքանչ տեսարանները՝ վերևից։ Շրջայցը կավարտվի հայկական տոլմա պատրաստելու վարպետաց դասով և ավանդական ընթրիքով՝ Մամիկ հյուրատանը, որտեղ հյուրերը կարող են վայելել հայկական խոհանոցի իսկական համերը։

Տեւողությունը՝ 9 ժամ / Հեռավորությունը՝ 150 կմ

Շրջայցը կսկսվի Գառնու հնագույն հեթանոսական տաճար այցելությամբ, որից հետո հյուրերը կայցելեն Քարերի սիմֆոնիա՝ եզակի բնական հուշարձան, որը գտնվում է Գառնու մոտակայքում։ Այնուհետև կլինի կանգառ Ազատի ջրամբարում։ Շրջայցը կշարունակվի լավաշի և հայկական խորովածի պատրաստման վարպետաց դասերով: Շրջագայությունը կներառի ավանդական ճաշ, որի ընթացքում հյուրերը կհամտեսեն հայկական բազմազան ուտեստներ: Այնուհետև նախատեսվում է կանգառ Ծաղկաձորում, որտեղ հյուրերը կարող են օգտվել ճոպանուղուց: Շրջայցը կավարտվի Հանքավան այցելությամբ, որտեղ հյուրերը կարող են ընդունել ջերմային լոգանք և հանգստանալ գեղեցիկ բնության գրկում։ 

Տեւողությունը՝ 10 ժամ / Հեռավորությունը՝ 260 կմ

Այս օրը կատարյալ կթվա հատկապես արկածներ փնտրողների համար, ովքեր ցանկանում են ուսումնասիրել Հայաստանի գեղեցկությունը՝ զգալով հանդերձ արտաճանապարհային տուրի և ձիավարության հաճույքը: Տուրի ընթացքում հյուրերը UAZ մեքենայով կբարձրանան դեպի Հաղարծին գյուղ, որտեղից էլ կսկսվի ձիավարությունը։ Շրջայցը կներառի ճաշ, որին կհաջորդի գաթայի պատրաստման վարպետաց դասը, որտեղ հյուրերը կարող են սովորել հայկական ավանդական քաղցրավենիք պատրաստել: Շրջայցը կշարունակվի դեպի Պարզ լիճ, որտեղ հյուրերը կարող են օգտվել zip-line-ից՝ ըստ ցանկության, որին կհաջորդի այցելություն եղնիկների  ֆերմա։ Օրը կամփոփենք Սևանավանք և Սևանա լիճ այցով, որտեղ հյուրերը կարող են ծանոթանալ այս հնագույն հայկական հուշարձանի պատմությանն ու նշանակությանը։

Տեւողությունը՝ 1 ժամ / Հեռավորությունը՝ 30 կմ

Օրը կսկսվի Վերնիսաժ՝ տեղական բացօթյա շուկա այցելությամբ, որտեղ հյուրերը կարող են գնել հուշանվերներ և այլ ավանդական Հայկական արտադրանք։ Գնումները ԳՈՒՄ-ի շուկայում ավարտելուց հետո, կկազմակերպվի ուղևորափոխադրում Երևանից օդանավակայան։

Դուք կարող եք այս ծառայությունը գնել ամբողջությամբ կամ ամրագրել այն՝ վճարելով ամբողջ գումարի 30 %-ը: Ամրագրման դեպքում Դուք Ձեր ընտրած ծառայության արժեքի մնացած մասը վճարում եք ծառայությունը մատուցելուց 24 ժամ առաջ՝ առցանց կայքի միջոցով կամ կանխիկ / անկանխիկ տարբերակով` կազմակերպության գրասենյակում։ Որոշ դեպքերում կազմակերպությունը կարող է պահանջել այլ չափի կանխավճար և վճարման ժամկետներ, որը նախապես համաձայնեցվում է Ձեզ հետ:

Ծառայության մատուցման ամսաթիվը փոփոխելու դեպքում որևէ գումար չի գանձվում այն դեպքում, երբ այդ մասին կազմակերպությանը տեղեկացնում եք ծառայությունը մատուցելուց առնվազն 24 ժամ առաջ, իսկ ավելի ուշ տեղեկացնելու դեպքում գանձվում է ամբողջ արժեքի 10%-ի չափով տուգանք: Ծառայության ուղղությունը կամ տեսակը փոփոխել հնարավոր է միայն ծառայությունը մատուցելուց առնվազն 24 ժամ առաջ: Այս դեպքում կատարվում է վերջնահաշվարկ, և հնարավորության դեպքում միայն կատարվում են համապատասխան փոփոխությունները:

Եղանակային անբարենպաստ պայմանների կամ անհաղթահարելի ուժի առկայության դեպքում կազմակերպությունն իրավունք ունի փոխել, կրճատել կամ չեղարկել հաստատված գնումը: Կազմակերպության կողմից չեղարկելու դեպքում Ձեզ առաջարկվում է համարժեք այլ ծառայություն: Առանց որևէ տույժի գնումը չեղարկելը հնարավոր է առնվազն 24 ժամ առաջ: Դրանից հետո գնելու, չեղարկելու, ինչպես նաև առանց զգուշացման չներկայանալու դեպքում ծառայության ամբողջ արժեքը վերադարձի ենթակա չէ: Գումարի ետվերադարձի և դրա հետ կապված ծախսերի մասին ամբողջական տեղեկատվություն Դուք կարող եք գտնել Հրապարակային պայմանագրում։

1. Բանկային փոխանցում - Կազմակերպության բանկային հաշվեհամարին համապատասխան չափի գումարի փոխանցումն է: Վճարումը կարող եք կատարել դրամով, ռուբլով, դոլարով և եվրոյով:
2. Առցանց վճարում - Կազմակերպության պաշտոնական կայքէջի միջոցով վճարման կատարումն է: Այս պահին հնարավոր է կատարել վճարում ցանկացած փոխարժեքի Visa/Master քարտերով:
3. Քարտով վճարում - Կազմակերպության գրասենյակում POS տերմինալի օգնությամբ Visa/Master քարտի միջոցով վճարման ընդունումն է: Էքսկուրսիաների գումարը ներկայացված է հայկական դրամով, սակայն Դուք կարող եք վճարել ցանկացած փոխարժեքի քարտով (ձեր բանկը կատարում է համապատասխան գումարի փոխարժեքի փոփոխություն): Քարտով վճարում կատարելու ժամանակ կազմակերպությունը լրացուցիչ գումար ՉԻ ԳԱՆՁՈՒՄ:
4. Կանխիկ վճարում - Կազմակերպության գրասենյակում կանխիկ գումարով վճարման ընդունումն է: Ընդունվում են վճարումներ միայն հայկական դրամով: Կազմակերպության գրասենյակին կից գործում է բանկ և կա կանխիկացման տերմինալ (ATM):