Վճարային համակարգեր
Մենք ընդունում ենք
Ոսկեվազի գինու գործարան
Ոսկեվազի գինու գործարանը տեղակայված է Արագածոտնի մարզի համանուն գյուղում: Գործարանն հիմնադրվել է դեռևս 1932 թվականին: Հետագայում ներդրված ժամանակակից նորարարություններին զուգահեռ, սակայն, այն պահպանել է իր հին ու ավանդական տարրերն ու շենքերը:
Ներկայումս գործարանի տարածքում իրականացվում են շինարարական աշխատանքներ՝ աննախադեպ զբոսաշրջային համալիր ստեղծելու նպատակով:
Ոսկեվազի գինու գործարանն արտադրում է ինչպես արդիական գինեգործական մեթոդներով, այնպես էլ օգտագործելով 19-րդ դարում ստեղծված հին ավանդական կարասներում պատրաստված գինիներ: Գինու արտադրության մեջ այստեղ օգտագործվում են խաղողի միմիայն տեղական տեսակները, իսկ հնեցումը կատարվում է կաղնուց պատրաստած բարձրորակ տակառներում: Ոսկեվազի գինու գործարանն համարվում է առաջինը, որ քաղցր գինիների արտադրության մեջ կիրառել է խաղողի թառամեցման մեթոդը: Այստեղ արտադրվում են դասական, մրգային, հնեցված և լիկյորային գինիներ: Սպառողների շրջանում սիրված ու գնահատված են Ռոզե, Արենի, Նռան, Կատարինե և մի շարք այլ գինիներ:
Գործարանի արտադրատեսակները բազմիցս արժանացել են մրցանակների հեղինակավոր տեղական և միջազգային տարբեր մրցույթներում` «Decanter World Wine Awards», «Mundus Vini», «Sommelier Wine Awards» և այլն:
Բաց մի՛ թող լավագույն զեղչերը և առաջարկները
Բաժանորդագրվիր նոր տեղեկություններ ստանալու համար
Բոլոր իրավունքները պաշտպանված են © 2024 Ջան Արմենիա
Նամակներ
{{unread_count}}
Կապ: {{currentConversation.display_name}}