Կինոթատրոն "Կինոպարկ"

2015թ. դեկտեմբերի 5-ին «Երևան մոլ» առևտրի և ժամանցի կենտրոնում կայացավ «Կինոպարկ» կինոթատրոնի բացման արարողությունը:

Կինոթատրոնում գործում է 6 սրահ: Նոր սերնդի նորագույն տեխնիկայով ու տեխնոլոգիաներով հագեցած այս կինոթատրոնի նշված բոլոր կինոդահլիճներում ֆիլմերը ցուցադրվում են 3D ձևաչափով: Այստեղ գործարկվում են 4K ULTRA HD որակի պրոյեկտորներ և մի շարք այլ գերժամանակակից կինոտեխնիկա: Սրահներում մշտապես ապահովվում է DOLBY ATMOS բարձորակ հնչողություն, որի շնորհիվ ցանկացած ֆիլմի ցուցադրություն անմոռանալիորեն ու առավելագույնս է տպավորվում կինոդիտողի հիշողության մեջ:

Կինոթատրոնում ներդրվել է տոմսերի առցանց ձեռքբերման համակարգ, ինչն ավելի հարմարավետ է դարձնում տոմսերի ձեռքբերումն ու կինոդիտման ցանկության իրագործումը: