• Հեռ: (+374) 12 22-33-22 Էլ. փոստ: [email protected]

    • English
    • Russian
    • Հայերեն

  • Հեռ: (+374) 12 22-33-22 Էլ. փոստ: [email protected]

    • English
    • Russian
    • Հայերեն

    • Անհատական Էքսկուրսիա: Հովհաննավանք, Սաղմոսավանք, Տառերի պուրակ, Սբ. Կարմրավոր, Շոկոլադի թանգարան

    Roll over image to zoom in
    Click to open expanded view

    Անհատական Էքսկուրսիա: Հովհաննավանք, Սաղմոսավանք, Տառերի պուրակ, Շոկոլադի թանգարան

    25,000AMD

    ՍԿՍԱԾ

    In stock

    Անհատական Էքսկուրսիա: Հովհաննավանք, Սաղմոսավանք, Տառերի պուրակ, Սբ. Կարմրավոր, Շոկոլադի թանգարան

    Array ( )
    • Ուշադրություն: Շոկոլադի թանգարանը կիրակի օրերին չի աշխատում
      • AMD

      Including kids

      • 0 AMD
      Number of infants (0-3)
      • 0 AMD
      • 0 AMD
      • 0 AMD
      • 0 AMD
      • 0 AMD
      • 0 AMD
      • 0 AMD
      • 0 AMD
      • 0 AMD
      • 20000 AMD
      • 0 AMD
      • 22000 AMD
    Add to Wishlist
    Add to Wishlist
    Category:
    Pin
    Share
    0 Shares
    ՏԵՎՈՂՈՒԹՅՈՒՆ
    3 – 6 ժամ
    ՄԵԿՆԱՐԿԻ ՎԱՅՐ
    Ըստ ցանկության
    ԼԵԶՈՒՆԵՐ
    Ռուսերեն, Անգլերեն

    ԷՔՍԿՈՒՐՍԱՎԱՐ (եթե ընտրված է)

    WI-FI

    ՄՈՒՏՔԻ ՏՈՄՍԵՐ (եթե առկա են)

    ՇՇԱԼՑՎԱԾ ՋՈՒՐ

    ՃԱՇ
    (եթե ընտրված է)

    Հակիրճ նկարագրություն

    Այս էքսկուրսիան Ձեզ կտանի դեպի Արագած լեռ `Հայաստանի ամենաբարձր գագաթը: Դուք կայցելեք Հովհանավանքի վանական համալիր, որը տեղակայված է Օհանավան գյուղում՝ Քասախ գետի կիրճում: Սաղմոսավանքը գտնվում է Քասախ գետի աջ ափին, Սաղմոսավան գյուղում: Ավանդույթի համաձայն՝ Սաղմոսավանքը հիմնել է Գրիգոր Լուսավորիչը: Դուք կայցելեք նաև հայերեն այբուբենի հուշարձան, ինչպես նաև Աշտարակ քաղաքում տեղակայված Շոկոլադի թանգարան: Կանգառներից մեկը կլինի 7-րդ դարի հայկական ճարտարապետական ​​հուշարձաններից մեկը՝ Սուրբ Կարմրավոր եկեղեցին:

    Ինչ է ներառված

    1. Փոխադրում հարմարավետ տրանսպորտային միջոցներով
    2. Նշված բոլոր թանգարանների և պատմամշակութային վայրերի մուտքավճարներ
    3. Շշալցված ջուր
    4. Հարկեր

    Գինը չի ներառում

    1. Էքսկուրսիայի ընթացքում ճաշը: Մենք կարող ենք կազմակերպել այն ըստ Ձեր ցանկության
    2. Ալկոհոլային խմիչքներ

    Ի նկատի ունեցեք

    1. Խնդրում ենք նամակի միջոցով տեղեկացնել մեզ, եթե Ձեզ հետ կան մինչև 4 տարեկան երեխաներ
    2. Էքսկուրսիան այլ լեզուներով կազմակերպելու դեպքում հնարավոր են գնային փոփոխություններ

    Ծրագիրը

    Կանգառ 1: 11:00
    Հովհաննավանք

    Հովհաննավանքի վանքային համալիրը գտնվում է Օհանավան գյուղում, Քասաղ գետի ձորեզրին: Հավանաբար այն նվիրված է եղել Հիսուսի մկրտիչ սուրբ Հովհաննես Մկրտչին: Ըստ ավանդության՝ վանքը հիմնադրվել է 4-րդ դարի սկզբին, երբ Գրիգոր Լուսավորիչը կառուցել է համալիրի հնագույն շենքը՝ միանավ բազիլիկը: Այն վերակառուցվել է 573թ.-ին (փայտե ծածկը փոխարինվել է քարե թաղով) և 1652թ.-ին: Անաղարտ է պահպանվել արևմտյան ճակատը՝ պայտաձև կամարներով, երեք լուսամուտով, մուտքով և արտաքին սյունասրահի որմնանկարներով: Արևելյան ճակատին վերջին նորոգման ժամանակ ագուցվել է Վաչուտյան իշխանական տոհմի զինանշանը պատկերող հարթաքանդակ (արծիվ՝ ճանկերում՝ աղավնի): Միանավ բազիլիկին արևմուտքից կից է անկանոն հատակագծով մի շինություն, հավանաբար՝ տապանատունը: Այստեղ պահպանվել են 12-13-րդ դարերի մի շարք արձանագրություններ:
    Վանքի գլխավոր Սուրբ Կարապետ եկեղեցին կառուցել է իշխան Վաչե Վաչուտյանը 1216-21թթ: Այն ներքուստ խաչաձև, չորս անկյուններում երկհարկ ավանդատներով, արտաքուստ ուղղանկյուն, գմբեթավոր կառույց է: Արևմտյան դուռն ունի հեռանկարային դասավորություն ունեցող կիսասյունիկներով ճոխ մշակված շքամուտք և զարդարված է բուսական նուրբ քանդակներով ծածկված ութանկյուն աստղերով: Եկեղեցուն և բազիլիկին կից գտնվում է քառասյուն կենտրոնական հորինվածքով ժամատունը:
    Համալիրի տարածքում կանգուն է վաղ միջնադարի վերականգնված հուշակոթող՝ բազմաստիճան հիմքի վրա բարձրացող 4 կիսագլաններից կազմված սյան ձևով:
    Հովհաննավանքում պահպանված շուրջ 20 արժեքավոր ձեռագիր այժմ գտնվում է Մատենադարանում:

    Կանգառ 2: 12:30
    Սաղմոսավանք

    Սաղմոսավանքի վանական համալիրը տեղակայված է Քասաղ գետի աջ ափին, Սաղմոսավան գյուղում: Ըստ ավանդության՝ Սաղմոսավանքը հիմնել է Գրիգոր Լուսավորիչը: Վանքի գլխավոր Սուրբ Սիոն եկեղեցին կառուցել է իշխան Վաչե Վաչուտյանը 1215թվականին: Սբ. Սիոնը Ներքուստ խաչաձև, չորս անկյուններում կրկնահարկ ավանդատներով, արտաքուստ ուղղանկյուն եկեղեցի է՝ բարձր գլանաձև թմբուկով և կոնաձև վեղարով գմբեթով: Եկեղեցու ճակատները մշակված են հայկական խորշերով: 1215-35թթ. – ին Վաչե Վաչուտյանը Ս. Սիոն եկեղեցուն արևմուտքից կից կառուցել է քառասյուն գավիթ, որի առաստաղի կենտրոնական հատվածն ունի 12 նիստանի քարե վրանաձև ծածկ, երդիկի վրա բարձրացող վեց սյունանի նրբագեղ ռոտոնդա: Գավթի ծածկի համակարգը հայկական ճարտարապետության եզակի օրինակներից է: 1255-ին կառուցվել է գրատունը: Օգտագործելով Ս. Սիոն եկեղեցու, գավթի և նրանցից հարավ-արևելք գտնվող Ս. Աստվածածին թաղածածկ եկեղեցու միջև ընկած տարածքը՝ անանուն ճարտարապետը հմտորեն լուծել է գրատան տեղադրության դժվարությունները՝ ծածկի համար կիրառելով խաչվող կամարներով բարդ համակարգ: Գրատան տանիքին կանգուն 8 սյունանի ռոտոնդայով վանքը ստացել է եռագմբեթ գեղատեսիլ ուրվագիծ:
    Դեպի հյուսիս վանքի գերեզմանատունն է՝ 13-14-րդ դարերի գեղաքանդակ խաչքարերով: 1250թվականին Սաղմոսավանքում դպրոց է հիմնվել: 1988 թվականին տեղի ունեցած ավերիչ երկրաշարժից վանքը զգալիորեն տուժել է, բայց վերանորոգումների ու վերակառուցումների շնորհիվ 2000 թվականին այն կրկին կանգնել է իր նախկին շքեղությամբ ու խորհրդավորությամբ:
    Վանքի գավիթը և գրատունը 13-րդ դարի հայկական աշխարհիկ ճարտարապետության ուշագրավ օրինակներից են: Այս գրատանը երկար տարիներ շարունակ գրվել, ընդօրինակվել ու նկարազարդվել են բազմաթիվ ձեռագրեր, որոնցից մի քանիսը պահպանվել են մինչև օրս:

    Կանգառ 3: 13:30
    Տառերի պուրակ

    Արագածի լեռան արևմտյան լանջին գտնվող հայկական այբուբենի հուշարձանը կառուցվել է 2005 թվականին և նվիրված է հայերեն այբուբենի ստեղծման 1600-ամյակին:
    Համալիրը ներառում է հայկական այբուբենի 39 տառերի քանդակներ, ինչպես նաև հուշարձաններ՝ նվիրված հայ մեծ մտածողներին: Բոլոր տառերն ու արձանները պատրաստված են հայկական կարմիր տուֆից: Հայկական այբուբենը ստեղծվել է Մեսրոպ Մաշտոցի կողմից 405 թվականին:
    Հայոց լեզվով ստեղծվել է հսկայական և հարուստ գրականություն

    Կանգառ 4: 15:00
    Սուրբ Կարմրավոր եկեղեցի

    Աշտարակ քաղաքի բարձրադիր հատվածում կանգնած է փոքր ու պարզ, բայց գեղեցիկ ու խորհրդավոր Սբ. Աստվածածին կամ Կարմրավոր եկեղեցին: Ցավոք մեզ հայտնի չեն եկեղեցու հիմնադրման տարեթիվը և այն կառուցող ճարտարապետի անունը, սակայն եկեղեցու պատերը երիզող մեկտողանոց արձանագրությունից ենթադրվում է, որ այն հանդիսանում է 7-րդ դարի հայկական ճարտարապետության հուշարձան:
    Ըստ ավանդության, դարեր առաջ Աշտարակում ապրում էին երեք քույրեր, որոնք սիրահարվում են միևնույն երիտասարդի՝ Սարգիս անունով: Երկու ավագ քույրերը որոշում են զոհաբերել իրենց և իրենց սերը՝ հանուն կրտսեր քրոջ երջանկության ու սիրո: Նրանք՝ կարմիր և ծիրանագույն զգեստներ հագած, նետում են իրենց անդնախոր ձորը: Քույրերի մահվան լուրն իմանալով՝ փոքր քույրն էլ սպիտակ զգեստ է հագնում ու նույնպես նետվում ձորը: Սարգիսն իր դառը վշտից ճգնավոր է դառնում: Ձորի եզրին հետագայում երեք եկեղեցի է կառուցվում՝ Կարմրավորը, Ծիրանավորը և Սպիտակավորը:
    Սբ. Կարմրավորը կենտրոնակազմ խաչաձև գմբեթավոր կառույցների բնորոշ և անաղարտ պահպանված նմուշներից է: Ըստ նորագույն հետազոտությունների, այս տիպը Հայաստանում զարգացած է եղել դեռևս 5-րդ դարում և ունեցել բազմաթիվ օրինակներ:
    Եկեղեցին արտաքուստ և ներքուստ խաչաձև, տրոմպային փոխանցումով գմբեթավոր կառույց է: Ութանիստ թմբուկը պսակված է կղմինդրածածկ կորագիծ վեղարով, որը նույնանյութ և նմանաձև տարրի պահպանված հնագույն օրինակն է: Ներսում պահպանվել են որմնանկարների մնացորդներ: Վարպետորեն ընտրված համաչափությունների շնորհիվ ներդաշնակված ծավալներով կառույցը միաձույլ արձանի տպավորություն է թողնում

    Կանգառ 5: 15:30
    Շոկոլադի թանգարան “Գուրմէ Դուրմէ”

    Արագածոտնի մարզում գտնվող «Գուրմէ Դուրմէ» շոկոլադի գործարանը ներկայացնում է Հայաստանում առաջին շոկոլադի թանգարանը: Ինչպես բոլոր նման թանգարաններում, այնպես էլ այստեղ, Դուք կարող եք ծանոթանալ շոկոլադի պատմությանը, պատրաստման գործընթացին և փորձել ամենատարբեր միջուկներով հայկական շոկոլադը:
    ԹՈՂՆԵԼ ԿԱՐԾԻՔ

    Ձեր էլ. փոստի հասցեն չի հրապարակվելու: Պարտադիր դաշտերը նշված են *

    կարծիք

    Կարծիքներ դեռևս չկան:

    Նմանատիպ առաջարկներ